INTERCOMM er samstarfsverkefni fjögurra Evrópuþjóða og er það styrkt af Leonardo da Vinci II starfsmenntunaráætlun ESB. Tilgangur verkefnisins er að auka þekkingu fyrirtækja á viðskiptamenningu og stjórnunarháttum í löndum Evrópu og auka þar með samkeppnishæfni þeirra. Megin áhersla verður lögð á að koma á framfæri mikilvægi menningarlæsis og tungumálakunnáttu í alþjóðaviðskiptum og auðvelda aðgang fyrirtækja í samstarfslöndunum að upplýsingum af þessu tagi. Samstarfslöndin eru Írland, Ísland, Portúgal og Bretland. INTERCOMM er tveggja ára verkefni. Það hófst í desember 2002 og því lýkur í desember 2004.